والله من فترة وانا مشغول شوية وكنت عاوز اعمل بوست جديد بس كنت مكسل شوية لحد ما الاخت صانعه الحرية بعتتلى التاج
يلا يا مسهل الحال يارب نجاوب عليه
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
المصريين هههه هم فينا دول دول كانوا زمان....اما اللى بيحصل فى مصر ده شى عادى جداا عشان احنا اللى عملنا فى نفسنا كده
لو كنت أوروبي أو غير مسلم بردو إيه نظرتك للعرب والمسلمين؟
قمه التخلف والهمجية والارهاب والتشدد والذل هم دول العرب والمسلمين فى وجهه نظرى
قالولك إنت بقيت رئيس جمهورية هتعمل إيه؟
هههههههه اول حاجة هتجوز على طول واجوز كل صحابى واخوانى
لا بجد اعلن ان عصر الظلم انتهى وبعد عصر الحرية.. الغى المعتقلات وقانون الطوارى
اطلع كل المعتقلين السياسين من السجون...اروح مجلس الشعب والقى خطاب حماسى جدااا
طبعا انشاء حزب لى وابنائى ..وخلى كمال ابنى امين اللجنه السياسية
وروح لامريكا كل سنه مرة ...عشان السلام وعملية السلام وعجلة السلام والكلام ده
وطبعا اتصال باسرائيل عشان الفلسطنين وكده برده عشان دور مصر الريادى فى المنطقة
وبعد شوية ازور الانتخابات واطحن الشعب ....كفاية كده
مش هو ده دور ريس الجمهورية
لو كان ينفع ترجع طفل تاني وتخليك طفل علطول هترجع؟ وليه؟
طبعا لالالا هى ناقصه ارجع المشوار من الاول تانى
4 سنين حضانه و5ابتدائىو3اعدادىو3ثانوى و5كلية لالالالالا
إنت طبيب وعندك مريض ميؤوس من حالتهأيهما تفضلإنك تصارحه بالوضع وتقوله كل شيء بأمر الله في الاخرولا تغرس فيه الامل لغاية لما يموت؟
اقتله بيدى انا لا بيد عمرو
سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟
لن ينقص الدين بعدك يارسول الله وانا حى
لو خطبت واحدة أو اتخطبتي لواحدو أثناء الخطبة اكتشفت أو اكتشفتي إن الطرف الآخرغير قادر على الإنجاب هيكون تصرفك إيه؟
والله حقيقى مش عارف بس اكيد انا لو كنت بحبها وده اكيد هيحصل عمرى مع افكر اسبها ابدااا
لو طلعت القمرهتكتب إيه عليه؟
انا من الاخوان
كنا في عصر ازدهار الأندلس كنت تتخيل نفسك إزاي؟
اكيد هكون اندلسى وبتكلم اسبانى
أنا مررت التاج ده لحد وما جاوبش عليه أعمل فيه إيه؟
لا لازم يجاوب عليه هو ان شوية ولا اية
بس اكيد وامرى لله هسمحه عشان انا قلبى كبير
همرر التاج لـ
مبن يا محمد مين يا محمد
اكيد ابدا
محمدالسيد .. مش حاسكت
محمود حسين.. ابن اسكندرية
عمرو محمود.. فين العمالقة
والاخت شيماء.. شقاوة شعب
مروة السيد ..حلم الحرية
.jpg)
.jpg)
هناك ١١ تعليقًا:
ايوه يا عم محمد
الدنيا شكلها خدتك من بعد الديش
بس عامة
انت كلت التاج أكله محترمه
ولا ايه رأيك
يا رئيس يا مفتري
في انتظار الجديد
دمت بكل خير
حبيبى محمد
اكتر حاجه عجبتنى فى التاج
وبجد اثرت فيا اوى
لن ينقص الدين بعدك يا رسول الله وانا حى
بجد ربنا يعينك على ده
ولو كنت صادق فيها وانا ارى صدق نيتك فيها...فهى تكفيك
ربنا يعنك عليها ويوفقك فيها واكون انا وانت وعمر ومحمد وحسن وعبد الرحمن وعاصم من رجال هذه الكلمه ونقولها عملاً وليس قولاً
لن ينقص الدين بعدك يا رسول الله ونحن احياء
ربنا تقبل منا انك انت السميع العليم
يا نهار ابيض
هو كل رئيس هيجيلنا هيعمل زي اللى قبله ولا ايه
والله حرام
ههههههههه
حلو التاج ده واجاباتك متميزة يا مان
بس اوعى تعمل رئيس فقيها بجد
تحياتى
كل عام وأنت بخير
اللى عاوز يروح يحج يتفضل ينورنا
السلام عليكم
التاج ده جميل جدا
وفيه اسئله حلوة
تحياتى ابو مفراح
عفواً
انا مش داخل اعمل إعلان والله
بس الوقت ضيق
فاضل على عرفة يوم
ناويين على إيه
8 ذى الحجة
سنة حلوة يا مسلمين
هابى نيو يير ... وحاجات حلوة وطراطير .... وجاتوه وفطير....والأهلي خطير ..... والريس لسه قدامه كتير
كل سنه وانت طيب
طالما هتجوز اصحابك هننتخبك
فينك يا استاذنا
محدش شافك من شهووووووووور
نتمنى يكون المانع خير
اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
------ الى ----
( حملة حما يه )
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة
إرسال تعليق