الحمد لله الذى انعم على بيها(خطيبتى)

بجد وبدون مقدمات ومش عارف احكى واقول اية

يا ما انت كريم يارب ....بجد انا اسعد انسان فى العالم ... تعرفوا ليه ؟؟؟؟؟؟

عشان ربنا رزقنى بااجمل هدية ...خطيبتى والله اجمل هدية وهبها لى ربى

ادعولى يا جماعه ربنا يحفظها لى ويحفظنى ليها ويجمع ببينا على خير ...

وكفاية كلام كده عشان مش عاوز اتحسد ...

كانت خطوبتى يوم الثلاثاء 29/4/2008

واللى ما جاش فاته الجاتو والحاجة الساقعه ...

بحبك يا رب

تاجى انا

والله من فترة وانا مشغول شوية وكنت عاوز اعمل بوست جديد بس كنت مكسل شوية لحد ما الاخت صانعه الحرية بعتتلى التاج

يلا يا مسهل الحال يارب نجاوب عليه

لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟

المصريين هههه هم فينا دول دول كانوا زمان....اما اللى بيحصل فى مصر ده شى عادى جداا عشان احنا اللى عملنا فى نفسنا كده

لو كنت أوروبي أو غير مسلم بردو إيه نظرتك للعرب والمسلمين؟

قمه التخلف والهمجية والارهاب والتشدد والذل هم دول العرب والمسلمين فى وجهه نظرى

قالولك إنت بقيت رئيس جمهورية هتعمل إيه؟

هههههههه اول حاجة هتجوز على طول واجوز كل صحابى واخوانى

لا بجد اعلن ان عصر الظلم انتهى وبعد عصر الحرية.. الغى المعتقلات وقانون الطوارى

اطلع كل المعتقلين السياسين من السجون...اروح مجلس الشعب والقى خطاب حماسى جدااا

طبعا انشاء حزب لى وابنائى ..وخلى كمال ابنى امين اللجنه السياسية

وروح لامريكا كل سنه مرة ...عشان السلام وعملية السلام وعجلة السلام والكلام ده

وطبعا اتصال باسرائيل عشان الفلسطنين وكده برده عشان دور مصر الريادى فى المنطقة

وبعد شوية ازور الانتخابات واطحن الشعب ....كفاية كده

مش هو ده دور ريس الجمهورية

لو كان ينفع ترجع طفل تاني وتخليك طفل علطول هترجع؟ وليه؟

طبعا لالالا هى ناقصه ارجع المشوار من الاول تانى

4 سنين حضانه و5ابتدائىو3اعدادىو3ثانوى و5كلية لالالالالا

إنت طبيب وعندك مريض ميؤوس من حالتهأيهما تفضلإنك تصارحه بالوضع وتقوله كل شيء بأمر الله في الاخرولا تغرس فيه الامل لغاية لما يموت؟

اقتله بيدى انا لا بيد عمرو

سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟

لن ينقص الدين بعدك يارسول الله وانا حى

لو خطبت واحدة أو اتخطبتي لواحدو أثناء الخطبة اكتشفت أو اكتشفتي إن الطرف الآخرغير قادر على الإنجاب هيكون تصرفك إيه؟

والله حقيقى مش عارف بس اكيد انا لو كنت بحبها وده اكيد هيحصل عمرى مع افكر اسبها ابدااا

لو طلعت القمرهتكتب إيه عليه؟

انا من الاخوان

كنا في عصر ازدهار الأندلس كنت تتخيل نفسك إزاي؟

اكيد هكون اندلسى وبتكلم اسبانى

أنا مررت التاج ده لحد وما جاوبش عليه أعمل فيه إيه؟

لا لازم يجاوب عليه هو ان شوية ولا اية

بس اكيد وامرى لله هسمحه عشان انا قلبى كبير

همرر التاج لـ

مبن يا محمد مين يا محمد

اكيد ابدا

محمدالسيد .. مش حاسكت

محمود حسين.. ابن اسكندرية

عمرو محمود.. فين العمالقة

والاخت شيماء.. شقاوة شعب

مروة السيد ..حلم الحرية

مش مصدق والله

الحمد لله وبعد تعب وعناء كبير جدااااااا

اخدت تأجيل 3 سنين من الجيش

عقبال الباقى من حياتى

خلاص هتجند

جزء من اغنيه

انا جالي

جواب استدعا ع الهايكستب بسرعه من بكره الصبح هطيير كان نفسي اخد اعفا

و طلعت انا فاقد دفعه و قالولي مليش تاجيل

و دخلت الكشف الطبي وقالولي الصحه تمام وهتخدم لسه معانا لسنيين و سنيين قدام

و حلقت شعري زيرو

و لسبت البدله الميري مش عارف شكلي اتغير و كاني واحد غيري

من بعد ما قلت دي مده اقضيها يا واد و تفوت

الجيش ظبطلي حياتي و حقيقي بقيت مظبووط

خلاص اترشحت ظابط يادى الارف



بجد من اول ما اترشحت ظابط ولقيت نفسى ممكن ادخل الجيش

لقيت نفسى زعلان

اعدت افكر



هو ليه الواحد زعلان كده بجد



المفروض ان البلد (مصر )ليه حق على



زى ما علمتنى وربتنى وكبرتنى محتاجه منى اوفى حقها



بس اعدت افكر واقول لنفسى وهو فين التعليم والتربيه دى اللى اخدتها من مصر بجد

دانا طول عمرى اسمع التعليم مجانا وكان ابويه بيدفع لى كل شهر مثلا فى الثانويه العامه 250جنيه

طيب ربتنى علي اية مصر على السلبيه والتزوير والبلطجه والسرقه والرشوة

دانا مش عارف هشتغل ازاى وهتجوز امتى

بس بجد محتار اووووى نفسى لو دخلت الجيش ادخل وانا مرتاح

بجد مش عارف انا كده ظالم نفسى ولا ظالم مصر



رغم كل ده

بحبك يا مصر

انجاز جديد للحزب الوطنى

قرار فصل ل6 من خيره شباب الاسكندرية

من اطباء المستقبل

قام الدكتور المبجل العظيم

عميد كليه الصيدله

بفصل 6 طلاب من كليه الصيدله

عشان اية تفتكروا

(التهمه)

عشان بيحببوا الناس فيهم من خلال عمل مذاكرات تلخيص مواد

وترحيب ومساعده طلاب الفرقه الاولى فى بداية دخولهم الكليه

وعمل لوحات مكتوب عليها

كلمات عن حب البلد

وحب العلم

والتخطيط للحياه

يا نهارد ابيض كل التهم دى بصراحه ارهابين خالص

طيب بصراحه مش عارف البلد دى ولا الحزب الى حاكمها عاوزين اية

الطلبه يبقوا اية بجد

عاوزنهم يبقوا ارهابين بجد طيب ليه

والعجيب ان شعار الحزب فى المؤتمر (بلدنا هتتقدم بينا )

والله هو ده التقدم

ياعين على التقدم فى البلطجة وقله الادب والظلم

مش عارف ليه الدنيا بتعملى معى كده

والله مش عارف فى اية كل يوم دموع والم

ليه يا دنيا كده بتعملى معى كده ليه


خلاص البيت بقى فاضى على وحدى انا

اسلام هو كمان ساب البيت وسافر الامارات

ربنا يرجعه بالسلامه

خلاص بقيت وحدى خالص

بجد محتاج الفترة دى حب وحنان


بس مش لاقيه خالص


رغم انا لى والحمد لله حبايب كتير بس
.................


بس بجد مش عارف حاسس بالوحده ليه


ادعوا لاسلام اخى يرجع بالسلامه

وادعولى كمان


ربنا يملى على وحدتى

flash back

امبارح كان عندى ميعاد فى محطة مصر وانا دايما وانا رايح المحطه بأركب مشروع المحطة بحر من العصافرة .







بس امبارح مالقتش المحطة بحر فغصب عنى ركبت محطة ابو قير





وده الطريق بيقى زحمه وبايخ وحاجات كتير ع العموم ركبت وامرى لله





اول ما ركبت قولت الدعاء طبعااااا عشان انا شيخ



وبعدين لقيت الطريق زحمه قولت اضيع وقت عشان ما تخنقش



قولت اعمل اية قولت العب فى الموبايل اصلى معى موبيل غالى شوية (6680 ) .

بكامرتين طبعا



وبعدين زهقت من اللعب قولت انام شوية بجد نمت وحلمت حلم جميل جداااااااااااااااااا

نفسه احكيه

هو خير اللهم اجعله خير


انا لسه داخل الكليه من اول وجديد



وخلاص جايب طقم جديد وكشكول محاضرات


واول ما دخلت اتعرف على واحد من الشباب وقال لى اسمه ودفعته وكده

وكان واقف على مكتب فوقه لوحه مكتوب عليها مكتب استعلامات شباب التيار الاسلامى


وقال لى لو عاوز حاجة خد تليفونى واتصل بيا وانا اساعدك




وقال لى على حفله فى النقابه للطلبه الجدد وقال لى هات تليفونك عشان ابلغك بميعادها



طبعااا كنت منبهر جدااااااااااااااااااااااااا ان فى حد بيساعد حد



ومشيت وسبته وبعدين دخلت مدرج 3 كانت فيه محاضرة تطبيقة للدكتور الله يرحمه (حمته)



طبعا ما فهمتش حاجة خلاص غير اسم الدكتور


وبعدين لقيت واحد صاحبى من ايام الاعدادية وقفت معه واتكلمت معه وبعدين بعد شوية دخل علينا مجموعة من التيار الاسلامى


وعطونا دليل الطالب مجانا



وبعدين اتعرفت عليهم اكتر



وبدات احبهم جداااااااااااااا واصبحت اول حاجة اعملها لما ادخل الكلية ادور عليهم

وبعدين جرت الايام اصبحت واحد منهم



وبعدين ........................................

المشروع عمل صوت جامد وصحيت

لقيت نفسى والله امام مبنى كلية العلوم( اللى فى طريق الحرية ) كليتى



والله عينيا دمعت على الايام دي اللى مش حترجع تاني وانا طالب عشان انا تخرجت السنه دى خلاص



(على فكرة كل الحلم ده حصل معايا حقيقى )



وان شاء الله ....... عندى ذكريات كتيرأبقي أحكيها لكم عن الأيام دي .....

يالا سلام بقي ....

انا نفسى اعيط

انا حكيلكوا عن اجمل حاجة فى حياتى


عن عمرى عن حبى عن املى عن اختى


ياسمين(او ياسمينه) زى ما بدلعها دايما


بجد ومن غير مبالغة هى اجمل حاجة انا عايش بيها



بس للاسف حبيبتى خلاص هتسيب البيت وماشيه

رحه لبتها خلاص هتتجوز وتسبنى لوحدى

نفسى اولها خاليكى جانبى بس ما ينفعش

لازم تتجوز دى سنه الحياة

بس بجد ياسمينه هتسيب فراغ كبيبر جدااااااااااا
فى حياتى


وانا بكتب اقعد افتكر ذكريتنا واحنا صغيرين

وازاى كنا لازم ننام فى حضن بعض

وازاى لما اكون مزعلها ما تعرفش تنام

ولما كبرنا برده

واتعرفت على الاخوان وبدات ابات بره البيت مصايف او ليالى

كنت ارجع البيت بعد الفجر القيها صحيه مستنينى

عشان تنام معى


وازاى لما اتمسكت وقعدت فى الحبس يومين لم تفرق الدموع عينيها


وازاى وازاى


مواقف كتير جدااااااااااااااااااااا


والله مش اقدر اكمل عشان الدموع فى عينى

بس يايت تدعولها كتير ربنا يوفقها فى حياتها

قررت من غير مقدمات

قررت ومن غير مقدمات ادخل وامرى لله


عالم التدوين



انا متابع جيد جداااااااااااااااااااااااا للتدوين بس


مكنتش عاوز اعمل مدونه


عشان المدونات كتره اوى




بس دلواقتى ناويت عشان حبه حاجات

ع العموم ياريت

اسلوبى يعجبكوا

لازم اكتب

انا اول مرة هكتب على المدونه بتاعتى


مش عارف اكتب واقول اية بس

ع العموم انا بحب التدوين جداااااااااااااا

وكفاية كده فى اول مرة كتبه